2014 جىلعى 30 جەلتوقسان, استانا قالاسى
ستۋدەنتتەر جانە وقۋشىلار ليگالارىن قالىپتاستىرۋ, ستۋدەنتتەر مەن وقۋشىلار ليگالارى اراسىندا سپورتتىق ءىس-شارالاردى ۇيىمداستىرۋ جانە وتكىزۋ قاعيدالارىن بەكىتۋ تۋرالى
«دەنە شىنىقتىرۋ جانە سپورت تۋرالى» قازاقستان رەسپۋبليكاسى زاڭىنىڭ 15-بابىنىڭ 11-تارماعىنا سايكەس بۇيىرامىن:
1. قوسا بەرىلىپ وتىرعان ستۋدەنتتەر جانە وقۋشىلار ليگالارىن قالىپتاستىرۋ, ستۋدەنتتەر مەن وقۋشىلار ليگالارى اراسىندا سپورتتىق ءىس-شارالاردى ۇيىمداستىرۋ جانە وتكىزۋ قاعيدالارى بەكىتىلسىن.
2. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا.جونتاەۆا):
1) وسى بۇيرىقتىڭ بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن وسى بۇيرىقتى مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ ءبىلىم جانە عىلىم ۆيتسە-ءمينيسترى ە.ن. يمانعاليەۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ا.ءسارىنجىپوۆ.
«كەلىسىلدى»
قازاقستان رەسپۋبليكاسىنىڭ مادەنيەت جانە
سپورت ءمينيسترى _________ ا.مۇحامەدي ۇلى
2014 جىلعى 31 جەلتوقسان
قازاقستان رەسپۋبليكاسى ءبىلىم جانە عىلىم ءمينيسترىنىڭ
2014 جىلعى 30 جەلتوقسانداعى №549 بۇيرىعىمەن بەكىتىلگەن
ستۋدەنتتەر جانە وقۋشىلار ليگالارىن قالىپتاستىرۋ, ستۋدەنتتەر مەن وقۋشىلار ليگالارى اراسىندا سپورتتىق ءىس-شارالاردى ۇيىمداستىرۋ جانە وتكىزۋ قاعيدالارى
1. جالپى ەرەجەلەر
1. وسى ستۋدەنتتەر جانە وقۋشىلار ليگالارىن قالىپتاستىرۋ, ستۋدەنتتەر مەن وقۋشىلار ليگالارى اراسىندا سپورتتىق ءىس-شارالاردى ۇيىمداستىرۋ جانە وتكىزۋ قاعيدالارى (بۇدان ءارى - قاعيدالار) ءبىلىم بەرۋ ۇيىمدارىندا ستۋدەنتتەر جانە وقۋشىلار ليگالارىن قالىپتاستىرۋ ءتارتىبىن, ستۋدەنتتەر مەن وقۋشىلار ليگالارى اراسىندا سپورتتىق ءىس-شارالاردى ۇيىمداستىرۋ جانە وتكىزۋ ءتارتىبىن ايقىندايدى.
2. وسى قاعيدالاردا كەلەسى نەگىزگى تۇسىنىكتەر پايلانىلادى:
1) وقۋشىلاردىڭ سپورتتىق ليگاسى (بۇدان ءارى – وقۋشىلار ليگاسى) – وقۋشىلار اراسىنداعى سپورتتىق قوزعالىس. ونىڭ ماقساتى مەكتەپ سپورتىن تانىتۋعا ىقپال ەتۋ, سپورتتىڭ ءبىر نەمەسە بىرنەشە تۇرلەرىن دامىتۋ, وقۋشىلارمەن بىرگە سپورتتىق ءىس-شارالاردى ۇيىمداستىرۋ جانە وتكىزۋ بولىپ تابىلادى;
2) ستۋدەنتتەردىڭ سپورتتىق ليگاسى (بۇدان ءارى – ستۋدەنتتەر ليگاسى) – ستۋدەنتتەر اراسىنداعى سپورتتىق قوزعالىس. ونىڭ ماقساتى ستۋدەنتتەر سپورتىن تانىتۋعا ىقپال ەتۋ جانە سپورت تۇرلەرىن دامىتۋ, ستۋدەنتتەرمەن بىرگە سپورتتىق ءىس-شارالاردى ۇيىمداستىرۋ جانە وتكىزۋ بولىپ تابىلادى.
3. ستۋدەنتتەر جانە وقۋشىلار ليگالارىنىڭ ماقساتى – ءبىلىم بەرۋ ۇيىمدارىنىڭ ءبىلىم الۋشىلارىن سپورتپەن تۇراقتى شۇعىلدانۋعا تارتۋ.
4. ستۋدەنتتەر جانە وقۋشىلار ليگالارىنىڭ مىندەتتەرى:
1) سپورتتىڭ كوماندالىق ويىن تۇرلەرىن دامىتۋ جانە وسكەلەڭ ۇرپاق اراسىندا سالاۋاتتى ءومىر سالتىن ناسيحاتتاۋ;
2) سپورتتىڭ ويىن تۇرلەرى بويىنشا ءبىلىم بەرۋ ۇيىمدارىنىڭ ۇزدىك وقۋشىلار ليگاسىنىڭ سىنىپ-كوماندالارىن جانە ستۋدەنتتەر ليگاسىنىڭ توپ-كوماندالارىن ايقىنداۋ;
3) سپورتتىڭ كوماندالىق ويىن تۇرلەرىمەن شۇعىلدانۋعا (شاعىن فۋتبول, ۆولەيبول, باسكەتبول جانە تاعى باسقالارى) ءبىلىم بەرۋ ۇيىمدارىنىڭ ءبىلىم الۋشىلارىن قاتىستىرۋ.
2. ستۋدەنتتەر جانە وقۋشىلار ليگالارىن قالىپتاستىرۋ ءتارتىبى
5. وقۋشىلار ليگاسى جالپى ءبىلىم بەرەتىن مەكتەپتەر سىنىپ-كوماندالارىنان (بۇدان ءارى – سىنىپ-كوماندالارى) قالىپتاستىرىلادى.
6. وقۋشىلار ليگاسىنا قاتىسۋعا سىنىپ-كوماندالار ءوتىنىمىن دەنە شىنىقتىرۋ ءپانىنىڭ مۇعالىمى, جالپى ءبىلىم بەرەتىن مەكتەپ باسشىسى ءبىلىم بەرۋ ۇيىمدارىندا سىنىپ-كوماندالار اراسىنداعى سپورتتىق جارىستاردىڭ ىرىكتەۋ كەزەڭى باستالعانعا دەيىن كۇنتىزبەلىك ون كۇن بۇرىن بەرەدى.
7. سىنىپ-كوماندالارى جالپى ءبىلىم بەرەتىن مەكتەپتەردەگى 6-11 سىنىپ وقۋشىلارىنان قالىپتاستىرىلادى. سىنىپ-كومانداسىنا جالپى ءبىلىم بەرەتىن مەكتەپتەردەگى ءبىر سىنىپتىڭ ءبىلىم الۋشىلارى ەنگىزىلەدى.
8. ستۋدەنتتەر ليگاسى تەحنيكالىق جانە كاسىپتىك, ورتا بىلىمنەن كەيىنگى جانە جوعارى ءبىلىم وقۋ باعدارلامالارىن ىسكە اسىراتىن ءبىلىم بەرۋ ۇيىمدارى ءبىلىم الۋشىلارىنىڭ توپ-كوماندالارىنان قالىپتاستىرىلادى (بۇدان ءارى – توپ-كوماندالارى).
9. ستۋدەنتتەر ليگاسىنا قاتىسۋعا توپ-كوماندالار ءوتىنىمىن دەنە شىنىقتىرۋ ءپانىنىڭ وقىتۋشىسى, ءبىلىم بەرۋ ۇيىمىنىڭ باسشىسى ءبىلىم بەرۋ ۇيىمدارىندا توپ-كوماندالار اراسىنداعى سپورتتىق جارىستاردىڭ ىرىكتەۋ كەزەڭى باستالعانعا دەيىن كۇنتىزبەلىك ون كۇن بۇرىن بەرەدى.
10. توپ-كوماندالارى دەنە شىنىقتىرۋ ءپانى وقىتۋشىسىنىڭ ءوتىنىمى بويىنشا تەحنيكالىق-كاسىپتىك, ورتا بىلىمنەن كەيىنگى جانە جوعارى ءبىلىم وقۋ باعدارلامالارىن ىسكە اسىراتىن ءبىلىم بەرۋ ۇيىمدارى ءبىلىم الۋشىلارىنان قالىپتاستىرىلادى. توپ-كومانداسىنا ءبىلىم بەرۋ ۇيىمدارىنىڭ ءبىر توپ ءبىلىم الۋشىلارى ەنگىزىلەدى.
4. ستۋدەنتتەر مەن وقۋشىلار ليگالارى اراسىندا سپورتتىق ءىس-شارالاردى ۇيىمداستىرۋ
جانە وتكىزۋ ءتارتىبى
11. ستۋدەنتتەر مەن وقۋشىلار ليگالارى اراسىنداعى سپورتتىق ءىس-شارالارعا سپورتتىق جارىستار جاتادى.
12. نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9930 بولىپ تىركەلگەن قازاقستان رەسپۋبليكاسىنىڭ مادەنيەت جانە سپورت ءمينيسترىنىڭ 2014 جىلعى 4 قاراشاداعى №74 بۇيرىعىمەن بەكىتىلگەن سپورتتىق ءىس-شارالاردى وتكىزۋ قاعيدالارىنا سايكەس ستۋدەنتتەر مەن وقۋشىلار ليگالارى اراسىنداعى سپورتتىق جارىستار سپورتتىڭ كوماندالىق ويىن تۇرلەرى (شاعىن فۋتبول, ۆولەيبول, باسكەتبول جانە تاعى باسقالارى) بويىنشا وقۋدىڭ ءبىر جىلعى سىنىپ-كوماندالارى نەمەسە توپ-كوماندالارى اراسىندا وتكىزىلەدى.
13. ستۋدەنتتەر مەن وقۋشىلار ليگالارى اراسىنداعى سپورتتىق جارىستار كەلەسى كەزەڭدەر بويىنشا وتكىزىلەدى:
1) ىرىكتەۋ كەزەڭى - ءبىلىم بەرۋ ۇيىمدارى جىل سايىن قىركۇيەك پەن قازان ايلارى ارالىعىندا وتكىزەدى;
2) اۋداندىق (قالالىق) كەزەڭ – وڭىرلىك ۇيىمداستىرۋ كوميتەتى (بۇدان ءارى – وڭىرلىك كوميتەت) جىل سايىن قاراشا ايىندا وتكىزەدى;
3) وبلىستىق كەزەڭ - وبلىستىق ۇيىمداستىرۋ كوميتەتى (بۇدان ءارى – وڭىرلىك كوميتەت) جىل سايىن ناۋرىز ايىندا وتكىزەدى;
4) رەسپۋبليكالىق كەزەڭ – رەسپۋبليكالىق ۇيىمداستىرۋ كوميتەتى (بۇدان ءارى - رەسپۋبليكالىق كوميتەت) جىل سايىن ءساۋىر ايىندا وتكىزەدى.
14. ءبىلىم بەرۋ ۇيىمدارىنداعى سىنىپ-كوماندالارى مەن توپ-كوماندالارى اراسىنداعى سپورتتىق جارىستاردىڭ ىرىكتەۋ كەزەڭىنە ستۋدەنتتەر مەن وقۋشىلار ليگالارىنا قاتىسۋعا ءوتىنىم بەرگەن بارلىق سىنىپ-كوماندالارى مەن توپ-كوماندالارى قاتىسادى.
15. ءاربىر كەزەڭنىڭ سپورتتىق جارىستارىنىڭ ىرىكتەۋ قورىتىندىسى بويىنشا جەڭىمپازدار انىقتالادى. ءاربىر كەلەسى كەزەڭگە (اۋداندىق (قالالىق), وبلىستىق, رەسپۋبليكالىق) ستۋدەنتتەر مەن وقۋشىلار ليگالارى اراسىنداعى سپورتتىق جارىستاردىڭ وتكەن كەزەڭدەرىندە جەڭىمپاز بولعان سىنىپ-كوماندالارى مەن توپ-كوماندالارى وتەدى.
16. سپورت جارىستارىنىڭ رەسپۋبليكالىق كەزەڭىندە ستۋدەنتتەر مەن وقۋشىلار ليگالارى اراسىنداعى سپورتتىق جارىستاردىڭ جەڭىمپازدارى انىقتالادى.
17. ستۋدەنتتەر مەن وقۋشىلار ليگالارى اراسىنداعى سپورتتىق جارىستاردىڭ اۋداندىق (قالالىق), وبلىستىق كەزەڭدەرىنىڭ جەڭىمپازدارىن وبلىستاردىڭ, رەسپۋبليكالىق ماڭىزى بار قالالار مەن استانانىڭ ءبىلىم سالاسىنداعى جەرگىلىكتى اتقارۋشى ورگاندارى, ال رەسپۋبليكالىق كەزەڭ جەڭىمپازدارىن ءبىلىم سالاسىنداعى ۋاكىلەتتى ورگان ماراپاتتايدى.
18. سىنىپ-كوماندالارى مەن توپ-كوماندالارى اراسىنداعى سپورتتىق جارىستاردىڭ ىرىكتەۋ كەزەڭىن ۇيىمداستىرۋدى ۇيلەستىرۋدى جانە وتكىزۋدى ءبىلىم بەرۋ ۇيىمدارىنىڭ باسشىسى, اۋداندىق (قالالىق), وبلىستىق كەزەڭدەرىندە وڭىرلىك كوميتەت, رەسپۋبليكالىق كەزەڭدە رەسپۋبليكالىق كوميتەت قامتاماسىز ەتەدى.
19. ءبىلىم بەرۋ ۇيىمىنىڭ باسشىسى:
1) ءبىلىم بەرۋ ۇيىمدارىنداعى سىنىپ-كوماندالارى مەن توپ-كوماندالارى اراسىنداعى سپورتتىق جارىستاردىڭ ىرىكتەۋ كەزەڭىن وتكىزۋ كۇنىن;
2) ءبىلىم بەرۋ ۇيىمدارىنداعى سىنىپ-كوماندالارى مەن توپ-كوماندالارى اراسىنداعى سپورتتىق جارىستاردىڭ ىرىكتەۋ كەزەڭىن وتكىزۋ ورنىن;
3) ءبىلىم بەرۋ ۇيىمدارىنداعى سىنىپ-كوماندالارى مەن توپ-كوماندالارى اراسىنداعى سپورتتىق جارىستاردىڭ ىرىكتەۋ كەزەڭى سۋديالار القاسىنىڭ قۇرامىن انىقتايدى.
20. وڭىرلىك كوميتەتتىڭ قۇرامىن وبلىستاردىڭ, رەسپۋبليكالىق ماڭىزى بار قالالار مەن استانانىڭ ءبىلىم سالاسىنداعى جەرگىلىكتى اتقارۋشى ورگاندارى انىقتايدى. وڭىرلىك كوميتەت تاق ساننان, كەمىندە 5 ادامنان تۇرادى.
21. وڭىرلىك كوميتەتتىڭ توراعاسىن وبلىستاردىڭ, رەسپۋبليكالىق ماڭىزى بار قالالار مەن استانانىڭ ءبىلىم سالاسىنداعى جەرگىلىك اتقارۋشى ورگانىنىڭ باسشىسى تاعايىندايدى.
22. وڭىرلىك كوميتەت:
1) رەسپۋبليكالىق كوميتەتپەن كەلىسىم بويىنشا ستۋدەنتتەر مەن وقۋشىلار ليگالارى اراسىنداعى سپورتتىق جارىستاردىڭ اۋداندىق (قالالىق), وبلىستىق كەزەڭدەرىن وتكىزۋ كۇنىن;
2) ستۋدەنتتەر مەن وقۋشىلار ليگالارى اراسىنداعى سپورتتىق جارىستاردىڭ اۋداندىق (قالالىق), وبلىستىق كەزەڭدەرىن وتكىزۋ ورنىن;
3) ستۋدەنتتەر مەن وقۋشىلار ليگالارى اراسىنداعى سپورتتىق جارىستاردىڭ اۋداندىق (قالالىق), وبلىستىق كەزەڭدەرى سۋديالار القاسىنىڭ قۇرامىن انىقتايدى.
23. رەسپۋبليكالىق كوميتەتتىڭ قۇرامىن ءبىلىم سالاسىنداعى ۋاكىلەتتى ورگان مادەنيەت جانە سپورت سالاسىنداعى ۋاكىلەتتى ورگان بىرلەسىپ انىقتايدى. وڭىرلىك كوميتەت تاق ساننان, كەمىندە 7 ادامنان تۇرادى.
24. رەسپۋبليكالىق كوميتەتتىڭ توراعاسىن ءبىلىم سالاسىنداعى ۋاكىلەتتى ورگان انىقتايدى.
25. رەسپۋبليكالىق كوميتەت:
1) دەنە شىنىقتىرۋ جانە سپورت سالاسىنداعى ۋاكىلەتتى ورگانمەن جانە جارىستار وتكىزىلەتىن سپورت تۇرلەرى جونىندەگى رەسپۋبليكالىق فەدەراتسيالارمەن بىرلەسە وتىرىپ ستۋدەنتتەر مەن وقۋشىلار ليگالارى اراسىنداعى سپورتتىق جارىستاردىڭ رەسپۋبليكالىق كەزەڭىن وتكىزۋ كۇنىن;
2) ستۋدەنتتەر مەن وقۋشىلار ليگالارى اراسىنداعى سپورتتىق جارىستاردىڭ رەسپۋبليكالىق كەزەڭىن وتكىزۋ ورنىن;
3) ستۋدەنتتەر مەن وقۋشىلار ليگالارى اراسىنداعى سپورتتىق جارىستاردىڭ رەسپۋبليكالىق كەزەڭىنە قاتىساتىن سىنىپ-كوماندالارى مەن توپ-كوماندالارى سانىن;
4) ستۋدەنتتەر مەن وقۋشىلار ليگالارى اراسىنداعى سپورتتىق جارىستاردىڭ رەسپۋبليكالىق كەزەڭى سۋديالار القاسىنىڭ قۇرامىن انىقتايدى.
26. قاتىسۋشىلاردىڭ ءومىرى مەن دەنساۋلىعىن ساقتاۋدى, سونداي-اق جارىستا مەديتسينالىق قىزمەتكەرلەردىڭ, سۋديالاردىڭ, ىرىكتەۋ كەزەڭىنە ارنالعان سپورت جارىستارىن وتكىزۋ كەزىندە قاجەتتى سپورتتىق مۇكاممال جانە جابدىقتاردىڭ بولۋىن ءبىلىم بەرۋ ۇيىمدارىنىڭ باسشىسى, اۋداندىق (قالالىق), وبلىستىق كەزەڭدەردە – وڭىرلىك كوميتەت, رەسپۋبليكالىق كەزەڭدە – رەسپۋبليكالىق كوميتەت قامتاماسىز ەتەدى.
27. ءبىلىم بەرۋ ۇيىمدارى سپورتتىق جارىستاردىڭ ءتيىستى كەزەڭى باستالعانعا دەيىنگى كۇنتىزبەلىك ون كۇن بۇرىن كەلەسى قۇجاتتاردى ۇسىنادى:
1) سىنىپ-كوماندالارى ءۇشىن وسى قاعيداعا 1-قوسىمشاعا سايكەس, ال توپ-كوماندالارى ءۇشىن وسى قاعيداعا 2-قوسىمشاعا سايكەس نىسان بويىنشا ءوتىنىم;
2) ءاربىر قاتىسۋشىنىڭ نوتاريالدى راستالعان جەكە كۋالىگىنىڭ (تۋ تۋرالى كۋالىگىنىڭ) كوشىرمەسى;
3) ءاربىر قاتىسۋشىنىڭ تۇرعىلىقتى جەرى بويىنشا مەديتسينالىق مەكەمەنىڭ ءمورتابانى جانە تەراپەۆت-دارىگەردىڭ قولى قويىلىپ راستالعان دەنساۋلىعى تۋرالى مەديتسينالىق انىقتاما.
اتالعان قۇجاتتار سپورت جارىستارىنىڭ اۋداندىق (قالالىق), وبلىستىق كەزەڭدەرىنە قاتىسۋ ءۇشىن وڭىرلىك كوميتەتكە, ال سپورت جارىستارىنىڭ رەسپۋبليكالىق كەزەڭىنە قاتىسۋ ءۇشىن رەسپۋبليكالىق كوميتەتكە ۇسىنىلادى.
5. ستۋدەنتتەر جانە وقۋشىلار ليگالارىن قارجىلاندىرۋ
28. اۋداندىق (قالالىق), وبلىستىق كەزەڭدەگى ستۋدەنتتەر مەن وقۋشىلار ليگالارى اراسىنداعى ىرىكتەۋ سپورتتىق جارىستارىن ۇيىمداستىرۋدى جانە وتكىزۋدى قارجىلاندىرۋ جەرگىلىكتى بيۋدجەتتە قاراستىرىلعان قارجى شەڭبەرىندە جۇزەگە اسىرىلادى.
29. رەسپۋبليكالىق كەزەڭدەگى ستۋدەنتتەر مەن وقۋشىلار ليگالارى اراسىنداعى سپورتتىق جارىستاردى ۇيىمداستىرۋدى جانە وتكىزۋدى قارجىلاندىرۋ رەسپۋبليكالىق بيۋدجەتتە قاراستىرىلعان قاراجات شەڭبەرىندە جۇزەگە اسىرىلادى.
ستۋدەنتتەر جانە وقۋشىلار ليگالارىن قالىپتاستىرۋ, ستۋدەنتتەر مەن وقۋشىلار ليگالارى اراسىندا سپورتتىق ءىس-شارالاردى ۇيىمداستىرۋ جانە وتكىزۋ قاعيدالارىنا 1- قوسىمشا
نىسان
___________________ (سپورت ءتۇرى) بويىنشا
______________________________ ء(بىلىم بەرۋ ۇيىمىنىڭ اتاۋى)
وقۋشىلار ليگاسى اراسىنداعى سپورتتىق ءىس-شارالار كەزەڭىنە قاتىسۋعا
ءوتىنىم
№ تەگى, اتى, اكەسىنىڭ اتى (بولعان جاعدايدا) سىنىپ-كومانداسى
1
2
3
4
5
6
7
جاۋاپتى تۇلعانىڭ مالىمەتتەرى مەن دەرەكتەمەلەرى
______________________________________________
______________________________________________
ء(بىلىم بەرۋ ۇيىمى باسشىسىنىڭ قولى مەن ءمورى)
ستۋدەنتتەر جانە وقۋشىلار ليگالارىن قالىپتاستىرۋ, ستۋدەنتتەر مەن وقۋشىلار ليگالارى اراسىندا سپورتتىق ءىس-شارالاردى ۇيىمداستىرۋ جانە وتكىزۋ قاعيدالارىنا 2- قوسىمشا
نىسان
___________________ (سپورت ءتۇرى) بويىنشا
______________________________ ء(بىلىم بەرۋ ۇيىمىنىڭ اتاۋى)
ستۋدەنتتەر ليگاسى اراسىنداعى سپورتتىق ءىس-شارالار كەزەڭىنە قاتىسۋعا
ءوتىنىم
№ تەگى, اتى, اكەسىنىڭ اتى (بولعان جاعدايدا)) سىنىپ-كومانداسى
1
2
3
4
5
6
7
جاۋاپتى تۇلعانىڭ مالىمەتتەرى مەن دەرەكتەمەلەرى
___________________________________________
__________________________________________
ء(بىلىم بەرۋ ۇيىمى باسشىسىنىڭ قولى مەن ءمورى)
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 6 اقپانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10192 بولىپ ەنگىزىلدى.